我咧唱歌

Description

我咧唱歌

　　散食囡仔變做臺語博士
　　外文專業行入臺文志業
　　勞苦業命體悟自由放下
　　一切　攏是愛攏是恩典
　　萬項　攏感謝天公伯仔

　　有一種人生，家境散食，阿母的愛，予伊免一下出世就送予人做囝。
　　有一種人生，骨力拍拚，戇戇仔做，天公伯仔攏知影嘛定著共伊疼。
　　有一種人生，拍死毋退，無驚無惶，欲一生為臺語教育大步向前行。
　　有一種人生，自由自在，無為名利，欲共臺語的佮趣味予人知影。

　　本土語言傑出貢獻獎得主、資深臺語指導員王秀容，用簡單的文字、日常的話句，寫出伊頭一本臺語有聲散文集。對散食的囡仔時代，青春的讀冊歲月、溫暖的家庭故事、有甘有苦的婚姻經驗、勞苦的教師生涯、抗癌的艱苦病痛，對出世四個月寫到五十歲。伊堅心為臺語奉獻拍拚，活出有意義的性命，伊將人生每一擺的暗影佮奢颺，韌命佮認命，看破佮突破，用真心真情講故事予恁聽，用臺文活筆寫出女性的運命，用臺語聲講出女性的心聲，欲招逐家做伙來傳承臺語文、譜唱臺語的美麗之歌。

本冊特點

　　◎教育部臺語推薦用字、詞語註解，學臺語真簡單。
　　◎作者全冊朗讀，QRcode隨掃隨聽。